Daga - Mahadi Tukur Almizan
Shugaban Israel Military Intelligence Directorate mai suna General Aharon Haliva yayi wasu zantuka ga wasu jami'ai a lokacin da suke yin meeting a ranar 4 ga wannan wata na April, inda ya bayyana masu cewa lallai zasu sha wahala a kwanaki masu zuwa.
Ga wasu daga cikin kalaman nasa " Masha faɗi maku cewa ba lallai bane ya zama abinda ya wuce shine mafi muni ba, domin kuwa baƙaƙen ranaku da zamu sha wahala suna gabanmu" waɗannan sune Zantukan General Aharon Haliva kamar yadda sojin na Isra'ila suka wallafa.
Wannan gargaɗin na General Haliva ga jami'an yazo rana ɗaya da maganar da mai magana da yawun Quds Brigades Abu Hamza yayi na alƙawarin nasara a kwanaki masu zuwa ga ƴan gwagwarmayar ƴanto Palsɗinu.
Highlights below -
— بسم الله (@SlaveOfAllah44) April 4, 2024
⚫️ Saraya Al-Quds spokesman Abu Hamza in his speech today, April 4th, 2024:
—
Al-Quds has united the fronts this year, and we warn that any harm to it and the Al-Aqsa Mosque will ignite the region.
Palestine is living through its most sensitive and… pic.twitter.com/p5dDz8CAAh
"Munyi maku alƙawarin nasara, kuma al'ummar Palestinu sai ta zama abun koyi ga dukkanin al'ummar duniya wajen juriya". Cewar Abu Hamza
"Ƴan gwagwarmaya zasu cigaba da fuskantar abokan gaba a Zirin Gaza,West Bank, Hakanan Lebanon zata cigaba da yaƙar ƴan mamaya a filin daga".
Tun farkon fara wannan yaƙi dai Hizbullah daga Lebanon, Islamic Resistance na Iraq (IRI) da Ansarullah na Yemen suke dafa ma ƴan gwagwarmayar Palestinu a cigaba da yaƙar Isra'ila, ta hanyar harar sansanonin sojin su har da jiragen ruwa a Red Sea.
Abu Hamza ya yi jinjina ga Hizbullah, ƴan gwagwarmaya na Iraqi da Ansarullah na Yemen da kuma uwa uba Iran.
Hakan kuma ya miƙa saƙon godiya ga al'ummar dake zanga-zangogin nuna goyon baya musamman na Jordan da wasu ƙasashen Larabawa.
- Freedom Fighters Ng