A jiya ma jirgi maras matuƙi ya kai hari Jenin.
Daga - Mahadi Tukur Almizan
Mayaƙa uku daga ƙungiyar ƴan muqawama na Palasɗinawa ne suka yi shahada a harin da Isra'ila ta kai kusa da birnin Jenin dake West Bank a jiya juma'a 30 August.
Wannan ya biyo bayan arangama da aka samu tsakanin sojin Isra'ila da dakarun rundunonin muqawama a sansanin gudun hijira da unguwannin dake West Bank ɗin.
Kafar yaɗa labarai ta WAFA wallafa labarin dake cewa "Palasɗinawa uku Isra'ila ta kashe da safiyar jiya a wani hari da ta kai ta sama a Zababdeh dake kudancin Jenin".
Rescue teams inspect a vehicle that was bombed by Israeli occupation forces in the village of Zababdeh, south of Jenin. pic.twitter.com/4oPZjDFSsa
— Wafa News Agency - English (@WAFANewsEnglish) August 30, 2024
An bayyana mutane ukun a matsayin Maysara Sulaiman Masharqa, Arafat Jaser al-Amer da kuma Wissam Ayman al-khazem, shi Wissam Khazem ɗin shine Kwamandan reshen rundunar Qassam Brigade a Jenin, shi kuma Arafat ɗan rundunar Qud's Brigade ne ta kungiyar Palestinian Islamic Jihad.
Hukumar lafiya ta Palasɗinawa ta bayyana cewa sojojin Isra'ila sun tafi da gawarwakin su.