Sojojin haramtacciyar Kasar Isra'ila sun harbe wasu matasan Falasdinawa biyu.

Wasu Falasdinawa biyu da aka bayyana sunayensu da Ahmad Ayman Abed mai shekaru 23 da kuma Abdul Rahman Hani Abed mai shekaru 22 daga garin Kufr Dan da ke yammacin birnin Jenin a arewa maso yammacin gabar kogin Jordan, an kashe su da sanyin safiyar yau sakamakon harbin da sojojin Isra'ila suka yi a shingen binciken ababan hawa na Jalama da ke arewacin kasar. Jenin, kamar yadda ma’aikatar lafiya ta tabbatar.

Majiyoyi sun ce sojojin, wadanda daga baya suka bayyana cewa, shingen binciken, wanda ake tsallakawa zuwa Isra'ila, zai kasance a rufe don zirga-zirga har zuwa ranar Juma'a, inda ta gayyaci Iyayen yara biyun da aka kashe domin tantance su.

Rundunar sojin Isra'ila ta ce ta bude wuta kan wasu Falasdinawa biyu da ke kusa da shingen binciken inda suka kashe mutanen biyu bayan da suka bude wuta kan sojojin, inda daga bisani suka tabbatar da cewa soja daya ya mutu sakamakon haka.

Kimanin Falasdinawa 97 ne aka kashe sakamakon harbin da Isra'ila ta yi musu a yammacin gabar kogin Jordan tun farkon wannan shekara.